O le ā le matafaioi a le pulega e fai i taimi o se faalavelave faafuasei

E eseese pulega o lo o galulue faatasi e pulea faalavelave faafuasei ma tausisia le saogalemu o tagata. Saili i faamatalaga i matafaioi a le pulega e fai i taimi o se faalavelave faafuasei.

Civil Defence Emergency Management Groups

O le tele o faalavelave faafuasei laiti e gafa lava ma se auaunaga mo faalavelave faafuasei e talafeagai ona latou puleaina. Mo se faataitaiga o le Fire and Emergency New Zealand e gafa ma ni afi e mu ai fale.

E laiti faasolo i le feoloolo faalavelave e mafua mai lamatiaga faalenatura e pei o lologa e tutupu i Niu Sila. O lau pulega faalotoifale po o le Civil Defence Emergency Management Group e puleaina tulaga nei. O Civil Defence Emergency Management Groups e aofia ai sui o pulega o le aai ma pulega o le itumalo.

E sefuluono Civil Defence Emergency Management Groups i Niu Sila.

O isi tulaga e ese mai faalavelave faafuasei, o Civil Defence Emergency Management Groups e fesoasoani e faamalosia le tulaga o tagata ma afioaga. E aofia ai:

• le galulue e faaitiitia lamatiaga ma mea matautia o feagai ma tagata
• le fuafuaina mo galuega e tali atu ai i faalavelave faafuasei, ma
• le taitaia o galuega toe faaleleia i le mae'a ai o se faalavelave tele.

E galulue vavalalata le Civil Defence Emergency Management Groups ma:

• auaunaga mo faalavelave faafuasei
• matagaluega a le malo
• iwi
• auaunaga mo mea sili ona moomia e pei o le eletise, fesootaiga, ma le kesi: ma
• isi o lo o fesoasoani i tagata ma afioaga i le faatinoga o galuega e tali atu ai i faalavelave faafuasei.

E tofu lava le Civil Defence Emergency Management Group ma se Civil Defence Emergency Management Plan. E tatau i le Fuafuaga lenei ona aofia ai:

• po o ā ituaiga mea matautia ma lamatiaga o le a pulea e le Civil Defence Emergency Management Group
• faapefea ona latou puleaina, ma
• fuafuaga faataatitia mo le toe faaleleia mai mea matautia ma lamatiaga.

Tulaga o faalavelave faafuasei tau lotoifale

O nisi o faalavelave faafuasei e moomia le faamaopoopo o auaunaga eseese. Afai o se tulaga lea o le a iai, e ono faia se faaaliga o faalavelave matautia tau lotoifale. O le faaaliga o se faalavelave faafuasei tau lotoifale e tuuina atu ai i le Civil Defence Emergency Management Group e talafeagai le malosi e taulimaina ai se faalavelave faafuasei.

A faia se faaaliga o se faalavelave faafuasei tau lotoifale, o le Civil Defence Emergency Management Group e talafeagai ona puleaina, latou te faatinoa galuega e tali atu ai i se faalavelave faafuasei. E aofia ai le:

• faamaopoopoina o isi auaunaga mo faalavelave faafuasei
• faamautinoaina le maua o apitaga mo se vaitaimi lē tumau, meaai ma suavai
• faamautinoaina le faatonutonu lelei o le ūia o nofoaga e lē o saogalemu, ma
• saunia le tuuina atu pea o feau i le mamalu o le atunuu.

E iai foi taimi e ono fesoasoani ai Civil Defence Emergency Management Groups pe afai e lē o iai se faasilasilaga o se tulaga o faalavelave faafuasei i le atunuu atoa.

Faalavelave faafuasei aoao

E iai faalavelave faafuasei tetele, e tatau ai i le Minisita o le pulega Emergency Management and Recovery na faasilasila tulaga o faalavelave faafuasei i le atunuu atoa. O se tulaga e patino ai le pule i le Faatonu Sili a le Civil Defence Emergency Management e faatonu ai galuega. O le National Emergency Management Agency e puleaina galuega e tali atu ai.

Vaitaimi fesuiaiga

E lagolagoina i vaitaimi e faatino ai fesuiaiga le sologa lelei o suiga mai galuega e tali atu ai i se faalavelave faafuasei i galuega faaleleia pe a uma se mea na tupu. O suiga masani tusa lava pe na faasilasila pe leai foi se faasilasilaga o se faalavelave faafuasei i le atunuu atoa.

E aoga vaitaimi e faatino ai fesuiaiga e faaaoga ai e le Civil Defence Emergency Management Groups le pule faapitoa e faatino ai le amataga mai o galuega faaleleia.

O isi galuega e faatino e Civil Defence Emergency Management Groups

O isi tulaga e ese mai faalavelave faafuasei, o Civil Defence Emergency Management Groups e fesoasoani e faamalosia le tulaga o tagata ma afioaga. E aofia ai:

• le galulue e faaitiitia lamatiaga ma mea matautia o feagai ma tagata
• le fuafuaina mo galuega e tali atu ai i faalavelave faafuasei, ma
• le taitaia o galuega toe faaleleia i le mae'a ai o se faalavelave tele.

E galulue vavalalata le Civil Defence Emergency Management Groups ma:

• auaunaga mo faalavelave faafuasei
• matagaluega a le malo
• iwi
• auaunaga mo mea sili ona moomia e pei o le eletise, fesootaiga, ma le kesi: ma
• isi o lo o fesoasoani i tagata ma afioaga i le faatinoga o galuega e tali atu ai i faalavelave faafuasei.

E tofu lava le Civil Defence Emergency Management Group ma se Civil Defence Emergency Management Plan. E tatau i le Fuafuaga lenei ona aofia ai:

• po o ā ituaiga mea matautia ma lamatiaga o le a pulea e le Civil Defence Emergency Management Group
• faapefea ona latou puleaina, ma
• fuafuaga faataatitia mo le toe faaleleia mai mea matautia ma lamatiaga.

National Emergency Management Agency

O isi galuega e ese mai faalavelave faafuasei, o le National Emergency Management Agency e faalauiloaina le malosi e taulimaina ai faalavelave. E faamalumalu foi i le vaaiga o le faiga faavae o puleaina ai faalavelave faafuasei i Niu Sila. E faamautinoa o lo o faagaioia le faiga faavae i tulaga e tatau ai ma faailoa avanoa mo mea e toe faaleleia.

O le National Emergency Management Agency e lagolagoina galuega e siitia ai le malamalama ma le maopoopoga i totonu o lotoifale, itumalo ma le atunuu atoa. E aofia ai le malo, iwi, pulega a le malo faalotoifale, ma faalapotopotoga tumaoti ma faalapotopotoga lautele.

O le National Emergency Management Agency:

• e faailoa tulaga lamatia ma lamatiaga e aafia ai le atunuu atoa
• e saunia taiala e tuuina atu i Civil Defence Emergency Management Groups ma isi vaega e pulea faalavelave faafuasei, ma
• mata'itu le faatinoga o galuega e vaega o le Civil Defence Emergency Management. 

Civil Defence Centres, nofoaga faitele tutotonu ma marae

Civil Defence Centres

E saunia i Civil Defence Centres (CDC) nofoaga e saili fesoasoani i ai tagata a o feagai ai ma se faalavelave faafuasei. O nofoaga e faafoe e le aufaigaluega a le Civil Defence Emergency Management ma sui galulue tauofo.

Agai i se Civil Defence Centre, pe a lē mafai na e nofo ai i le fale po o aiga po o uo foi, a o feagai ai ma se faalavelave faafuasei.  E iai itumalo i Niu Sila o faasalalau i upegatafailagi le lisi o Civil Defence Centres. E iai itumalo e faaaoga se nofoaga e fai ma Civil Defence Centre mo faalavelave faafuasei.

E iai itumalo i Niu Sila, e faaigoa se Civil Defence Centre o le Welfare Centre po o le Community Emergency Centre.

Nofoaga faitele tutotonu

O auaunaga nei e maua ai:

• Talosaga ai se fesoasoani ma tuuofo atu se fesoasoani e faaaoga ai tomai ma punaoa maua mai tagata
• Faailoa ma saili faamatalaga i tulaga tonu o se mea ua tupu
• Amata tapena fuafuaga mo galuega faamamā. 

O nofoaga e faafoe e tagata lava o se lotoifale e aunoa ma ni sui aloaia. E lē maua ai ni faaputuga oloa, meaai, suavai po o palanikeke aua o mea masani e maua i le fale ma nofoaga faitele.

E mafai na fesootai nofoaga faitele tutotonu ma Civil Defence Emergency Management Groups mo fautuaga ma lagolagosua a o le i tupu se faalavelave faafuasei po o le taimi tonu o tupu ai.

O nofoaga ua iloa e tagata a o le i tupu se faalavelave faafuasei. Po o le fuafua foi e se lotoifale le tatala o se nofoaga faapenei ma e faalagolago i le ituaiga faalavelave faafuasei.

E iai auaunaga faapenei e lē moomia ai se tinoifale. E auala mai le fesoasoani i tagata o fesootai.

E tofu lava le nofoaga ma le faiga e faaigoa ai se nofoaga faitele tutotonu e pei o se:

• Community Hub,
• Community Emergency Hub,
• Community Response Hub,
• Manaaki Hub/Centre, po o se
• Sector Post. 

Marae

E masani na tatala marae mo aiga ma tagata lautele o moomia se fesoasoani. E mafai na faaaoga marae e fai ma nofoaga faitele tutotonu.

E avea ma nofoaga taua i vaitaimi o faalavelave faafuasei. O nofoaga e faatuatuaina e tagata, e saunia ai mea sili ona moomia e pei o: 

• meaai,
• apitaga, ma
• tausiga mo tagata Māori ma tagata lautele.

E saunia i marae le lagolagosua ma faiga tau agaifanua e tausisia ai le fetausiai ma le felagolagomai.