Afi sosolo

Pe a ma le 98% o afi sosolo i Niu Sila, e mafua mai tagata. E tupu i soo se vaitaimi o le tausaga, ma e fesoasoani gaioiga e te faia. Faitau i faamatalaga e te iloa ai gaioiga e fai a o le i sosolo se afi, taimi tonu ua sosolo ai, ma le taimi ua pe ai.

Tuuitiitia lamatiaga o se afi sosolo

E lē avane lou lē nofo ai i nuu i tua o le a e lē lamatia ai mai afi sosolo. A tau lalata ane se pupuvao ma tulaga e mumū ai se mea mai gaioiga a se tagata, ona lamatia lea i se afi sosolo.

Aua e te faatali seia vaaia se ausa faatoa e tapenapena lea. Fesoasoani e puipui au meatotino mai afi sosolo.

Tagai i le checkitsalright.nz(external link) mo gaioiga faigofie e tuuitiitia ai lamatiaga mai afi sosolo.

Nofo sauni a o le i tupu se afi sosolo

E tatau ona siaki muamua pe faamata e leai se afaina o se afi o fia tutu ma e faamata foi e te moomia se pemita afi i le checkitsalright.nz(external link).

Fai ma le mautinoa e leai se mea e soona mu solo pe a fia tutu se afi.

Fuafua se auala e faasaoina ai. A fuafua se auala e faasaoina ai, e lē mafai ona iloa i taimi uma le auala o sosolo ai se afi. E tāua ia lē na o le tasi se auala e faasaoina mai ai.

Vaai po o fea se vaipanoa saogalemu e leai ni pupuvao i lē mafai ona tou ō ese ma se nofoaga e malu i ai. Atonu e moomia le nofo malu ai i se nofoaga i lou fanua po o le tou vaipanoa. O se vaipanoa saogalemu e maua ai:

• se vaega tele ua faasimā,
• se mutia e faapupuu lelei, po o
• se mutia e faapupuu lelei, po o

Vaai mea tou te moomia ma fai faatasi ma lou aiga se fuafuaga. Ia mautinoa o aofia au meaola i le tou fuafuaga.

Ia iloa auala e maua ai faamatalaga lata mai. O le a taumafai pea auaunaga tineimu e lapatai atu se afi sosolo ua tau lalata atu. Peitai e mafai lava ona leai se taimi e avatu ai se lapataiga aloaia. Nofouta i mea o tutupu i le tou vaipanoa.

Aemaise pe a ua e vaaia pe sogitia se ausa i aso vevela po o aso savili, auā e pei o le emo o le mata le sosolo o le afi.

O gaioiga e fai a o sasao se afi sosolo

Alu ese, pe a lē mautinoa!

E vave tele le afi sosolo. A e vaaia se ausa po o le sasao o se afi ma faalogoina lou afaina ai, aua e te faatali mo se lapataiga aloaia e te alu ese ai. Alu ese vave loa. Valaau le 111 pe a ua lamatia lou soifua po o au meatotino, po o le lē gafatia ona e alu ese.

A lava se taimi ae e te le i alu ese:

• faaola ki o paipa tineimu,
• faatumu alavai i le vai, ma
• faasusū mea e pei o fafie tafu afi e atili ai le mū.

A lava se taimi, e mafai foi ona:

• ave taavale e faatutū i se mea e saogalemu ai;
• ave mea sii gofie i totonu o le fale;
• faasusū autafa o fale, faapaologa ma laau o tau lalata i lou fale;
• ave meaola ma lafumanu i se mea taalaelae po o fanua ua faato‘a;
• tapuni faamalama, faitotoa ma alaea o fale, ma tapuni pola; ma
• poloka lalo o faitotoa ma faamalama i solo susū.

Maua pea faamatalaga lata mai. Faalogologo i le leitio pe faitau faasalalauga a le Civil Defence Emergency Management Group i luga o le initaneti.

Aua ne‘i feleleaia drones i luga a‘e o le afi. E aafia ai galuega a le au tineimu.

O gaioiga e fai pe a pe se afi sosolo

Faatoa e toe foi i le fale pe a maua atu se faamaoniga ua mafai ona toe foi.  Vaai lelei o lena e faia pea galuega a le au tineimu i le nofoaga na sosolo ai le afi.

E iai auala e ono tapunia pea ona o:

• lo o faia pea galuega a le au tineimu,
• laau ma ogalaau palalasi,
• poumoli palalasi, po o le
• faaleagaina o fetaulaigāala.

Vaai mo faamatalaga lata mai auā e mafai ona vave suia tulaga o se mu ma toe faateteleina. Faalogologo i le leitio pe faitau faasalalauga a le Civil Defence Emergency Management Group i luga o le initaneti.

Vaavaai laau ua mu, malala taatitia solo ma poumoli palalasi.

Ia e manatu e lē saogalemu laau uma ua faaleagaina. Aua e te savali i lalo o laau na seia uma na suesueina e se tomai fai laau.

Ia e manatu o lena e ola uaea moli ua motusi seia avatu se faamaoniga mai le pulega tau eletise.

Galuega faamamā pe a pe se afi sosolo

Vaai se tomai faapitoa e alu atu e siaki alaea ma faamamā lou fale pe a manogi mea mu meatotino. O tulaga masani ai pe a pe se afi sosolo le faitau aso o manogi mea mu.

A fai galuega faamamā, fai se:

• seevae soloatoa,
• mea e puipuia ai mata,
• totinilima,
• se ufi fofoga, ma
• ofuvae uumi.

Faafesootai le vaega tau siosiomaga o le tou pulega faalotoifale mo se fautuaga a o le i faaaogaina:

• meaai na aumai le fale,
• meaai i lou fanua e fafaga ai meaola, po o le
• suavai mai le tane vaiinu.

E lē aveesea toega mai mea na mu po o isi mea ‘ona mai le suavai na faapupuna.