Solo le eleele
E mafai ona solo le eleele e aunoa ma se lapataiga. E masani ona tupu pe a mamafa timuga, mafuie ma o nisi o tulaga, e mafua ona o galuega a tagata. Saili i faamatalaga e te iloa ai gaioiga e fai a o lei tupu, i le taimi o tupu ai ma le uma ai ona solo o le eleele.
Tusia i le itulau lenei
Faaitiitia aafiaga o le solo le eleele
Siaki nofoaga o e iai pe ono solo gofie ai le eleele. O nofoaga e solo gofie ai le eleele e aofia ai nofoaga e pei o:
- Nofoaga sa solo muamua ai le eleele
- Nofoaga maupuepue
- Alavai e taatitia mai nofoaga malifa
- Vaitafe ma autafa o vaitafe, po o
- Mato i le gataifale.
Toe iloilo i taimi uma lau inisiua. E tāua le fai o se inisiua mo lou fale ma meafale auā le toe tau amata ia foi i se lelei pe a faaleagaina meatotino i se faalavelave.
E lē mafai ona tatou valoia mala, ae e mafai ona tatou nofo sauni i ai. O lou fale o le tasi lea o nofoaga pito sili ona lelei e amata mai ai. Saili i mea e mafai ona e faia e saogalemu lelei ai lou fale ma mafuaaga e tatau ai ona siaki i taimi uma lau inisiua.
Nofo sauni a o lei solo le eleele
Nofo sauni tagata tou te nonofo faatasi. Fuafua mea e te ono moomia ma fai faatasi se tou fuafuaga.
E mafai e le Civil Defence Emergency Management Group o lata ane ona faailoa atu ia te oe pe na iai se vaitaimi na solo ai le eleele i le nofoaga o e iai.
Malamalama i faailoilo ua e vaaia e lapatai atu ai ina ia vave lau gaioi. Toaga e siaki au meatotino, aemaise pe a tuanai le umi o se vaitau naumati, mafuie po o timuga tetele. Vaavaai mo:
- palapala solo feololo, alā ua palalasi ma mea o paepae i augutu o mea mati‘e
- faitotoa ma faamalama piipii faigata na tapuni
- mea o ava e faigata na tapuni lelei
- fafo o le fale e pei o sitepu, faasee, ma faapaologa ua maluelue pe ua sipa ese ma le fale
- mavetevete po o patupatu fou i le fogaeleele, auala, auala savali, papuipui e taofi palapala solo ma isi fola malolosi
- laau, papuipui e taofi palapala solo po o papuipui ua pi‘o; ma
- se vai ua pa i se mea mati‘e, tai foliga o se vaitafe fou.se vai ua pa i se mea mati‘e, tai foliga o se vaitafe fou.
Mataala pe a ave le taavale, aemaise faaputuga palapala i autafa o auala tele. Vaavaai lelei le auala tele mo mea ua solofa, palapala ma maa ua to'ulu.
Fai faatasi ma lou aiga se fuafuaga i luga o le initaneti e gafataulimaina ai se faalavelave faafuasei. Mafaufau i mea tou te moomia i aso uma ma faatulaga se isi fua pe afai e lē o iai mea o moomia.
A tupu se faalavelave faafuasei, e ono lē mafai ona e alu ese ma le fale mo le tolu aso pe sili atu. O lena e tele lava mea e te maua i lou fale e aogā mo faalavelave faafuasei. Vaai po o ā mea e te moomia ma fai sau fuafuaga e mafai ai ona e gafataulimaina le tulaga ua e maua ai.
Saili nisi faamatalaga mai le tou Civil Defence Emergency Management (CDEM) Group.
O gaioiga e fai pe a solo le eleele po o tulaga ua e manatu o le a solo ai le eleele
Vave ō ese mai le mea o solo ai le eleele.
Tuua lou fale po o se nofoaga pe afai ua e iai i se tulaga e te lamatia ai — ave lau ato ma fagafao pe afai e vave ona e faia lea tulaga.
Lapatai i tuaoi ma fesoasoani i isi pe a e mafaia.
Faafesootai auaunaga faalavelave faafuasei ma le pulega faalotoifale. Lipotia i le tou pulega faalotoifale palapala solo po o otaota paepae solo i le aualatele ma laufanua. A motusia feoaiga ma ua vave na lamatia se ola po o le faaleagaina o meatotino, valaau le 111.
Gaioiga e fai pe a uma ona solo le eleele
Gaioiga e fai pe a uma ona solo le eleele
Faamamao ese mai vaega o solo ai le eleele seia mae'a lelei ona suesueina ma ua tuuina atu e pulega se faamaoniga ua leai se mea e toe afaina ai.
Aua le taumafai e asu ese palapala solo. E lē mafai na mautinoa tulaga tonu o se palapala solo. E faafuasei lava na palasi ifo, toulu mea po o le tanumia o auaunaga i le fogaeleele. E moomia na suesue ma faamamā e le aufaigaluega faapitoa a le pulega po o fai konekarate.
E mamafa ma palagia le palapala solo. Taatia galuega faamamā i tagata ua masani ai. E mafai na ‘ona le palapala, palapala to‘a ma fasi laupapa paepae solo.
Lipotia laina eletise ma laina telefoni ua motusia i pulega e ona lea matafaioi.
Toe totō laau i eleele ua faaleagaina i se vave lava e mafai ai. E mafua le solo o le palapala pe a leai ni laau e taofiofi ai ma e faatupu atili ai lologa pe a timuga.
Fesoasoani i isi pe a e mafaia, aemaise tagata e ono moomia tele le fesoasoani.
Afai ua faaleagaina au meatotino
- Aua e te faia se mea e ono lamatia ai lou saogalemu pe atili leaga ai au meatotino.
- Faafesootai lau kamupani inisiua i se taimi vave e mafai ai.
- Afai e te nofo mautotogi, faafesootai lē e ona le fale ma le kamupani o inisiua ai au meatotino.
- Pu'e ata o soo se mea ua faaleagaina. E fesoasoani e faagaioi vave ai le iloiloina o lau talosaga.
First aid e faasaoina ai le soifua. Tagai i le upegatafailagi a le St John e iloa ai foliga o se lavea ma tulaga e tatau ai ona faaaoga se first aid.
Ituaiga lamatiaga
I totonu o Niu Sila e tele lamatiaga faalenatura e tutupu ai. Saili i faamatalaga e te iloa ai gaioiga e fai a o lei tupu, i le taimi o tupu ai ma le uma ai ona tupu o ituaiga faalavelave faafuasei taitasi.
