Faailo Telefoni Feaveai mo Faalavelave Faafuasei

Saili i faamatalaga o Faailo Telefoni Feaveai mo Faalavelave Faafuasei. E aogā Faailo Telefoni Feaveai mo Faalavelave Faafuasei e tausisia ai le saogalemu o tagata. E patino lava pou telefoni e faasalalau ai faailo i telefoni uma e mafai ona maua ai.

Tusia i le itulau lenei

People stopping their wedding, vacumming and playing with their dog to check their phones for an Alert. Text reads Emergency Mobile Alert Nationwide Test

Faataitaiga i le atunuu atoa

O tausaga uma matou te faataitai ai le Faailo Telefoni Feaveai mo Faalavelave Faafuasei. E moomia ona fai e mautinoa ai o lo o aogā.

Malamalama atili i faataitaiga i le atunuu atoa mo Faailo Telefoni Feaveai mo Faalavelave Faafuasei

A series of progressively modern phones with large exclamation marks on their screens

Telefoni e maua ai ma faasa‘oga

A e fia maua se Faailo Telefoni Feaveai mo Faalavelave Faafuasei e moomia lou faaaogā o se telefoni e mafai ona maua ai faailo. Faapena foi ona fesootai lau telefoni i pou telefoni ma faafou polokalame. E te lē moomia le kopi o le app i lau telefoni po o le lesitala mo le auaunaga lea.
O le tele o telefoni na faatau i le tuanai ai o le 2017 e tatau ona maua ai Faailo Telefoni Feaveai mo Faalavelave Faafuasei.

Toe tagai i faiga masani mo faasa‘oga

Faamatalaina o Faailo Telefoni Feaveai mo Faalavelave Faafuasei

O Faailo Telefoni Feaveai mo Faalavelave Faafuasei o feau i se faalavelave faafuasei. E lafo atu mai se pulega faamauina mo faalavelave faafuasei i telefoni feaveai.

E aogā Faailo Telefoni Feaveai mo Faalavelave Faafuasei e tausisia ai le saogalemu o tagata. E patino lava pou telefoni e faasalalau atu ai faailo i telefoni uma e mafai ona maua ai i nofoaga ua afaina i lamatiaga tetele. Ailoga e te maua se faailo pe afai:

e le o maua se malosiaga tau telefoni feaveai i le nofoaga o e iai,
ua leaga pou telefoni feaveai, po o le
motusia o le eletise.

Na faailoa i se suesuega na faia i le 2022 i tapenapenaga mo tulaga faafuasei, e silia ma le 88% o tagata i Niu Sila na maua le faataitaiga po o se isi na la faatasi. A tupu se faalavelave faafuasei, ma ua e maua se faailo ia mautinoa lou faailoa i isi tagata o tau lalata ane.

O Faailo Telefoni Feaveai mo Faalavelave Faafuasei o se faiga faaopoopo e fesoasoani e tausisia lou saogalemu i le tupu ai o se faalavelave faafuasei. E lē suia ai isi faiga e maua ai faailo po o gaioiga e tatau ona fai pe a vaaia ni lapataiga faalenatura.

E tatau pea ona nofo sauni mo se faalavelave faafuasei, ma e lē tatau ona e faatali mo se faailo ona e faatoa gaioi lea. Aua e te faatali mo se lapataiga aloaia, pe afai e te iloa ua lamatia lou soifua. Ia vave ona e gaioi.

Faatoa talafo atu faailo pe afai ua iai se lamatiaga tele i le ola, soifua maloloina po o meatotino. Ma, i nisi o tulaga, mo le fia faia o faataitaiga. Mo se faataitaiga, e lapatai atu e se Faailo Telefoni Feaveai mo Faalavelave Faafuasei se lamatiaga mata‘utia e pei o:
- se galulolo o lo o aafia ai laueleele
- se afi tele o lo o aafia ai tagata
- tagata o faaaogā auupega malosi e faia ai se soligatulafono, po o
- le suavai taumafa ua matuā faaleagaina.
E lē faaaogāina Faailo Telefoni Feaveai mo Faalavelave Faafuasei mo faasalalauga faalauiloa po o le faalauiloa o se mea.
Na o pulega faamauina mo faalavelave faafuasei e mafai ona lafoa se Faailo Telefoni Feaveai mo Faalavelave Faafuasei. Faatoa lafo lava e pulega faailo pe afai ua iai se tulaga e lamatia ai le ola, soifua maloloina po o meatotino. E ono lafo foi e pulega faailo o faataitaiga ua faatulaga.

Silasila i le lisi o pulega ua faamauina latou te faasalalauina faailo:
- New Zealand Police
- Fire and Emergency New Zealand
- Ministry of Health
- Ministry for Primary Industries
- National Emergency Management Agency
- Local Civil Defence Emergency Management Groups.
O le a faailoa atu i le faailo le pulega na lafo atu ai le Faailo Telefoni Feaveai mo Faalavelave Faafuasei.
Talu ai o Faailo Telefoni Feaveai mo Faalavelave Faafuasei e tausisia ai lou saogalemu, e lē mafai ona e taofia.

E leai ma se tulaga e patino ai lava telefoni e lafo i ai, peitai o se faasalalauga i totonu o nofoaga ua lamatia. O le mafuaaga tonu lava lea, e lē mafai ai ona matou taofia faasalalauga e maua atu i lau telefoni. E lē faaaogaina e Faailo Telefoni Feaveai mo Faalavelave Faafuasei le numera o lau telefoni feaveai pe faamauina faamatalaga e uiga ia te oe.

Atonu e maua i lau telefoni faatulagana e tuu atu ai i lou faitalia e pei ona faaaoga i isi atunuu. A o Niu Sila e faaaoga ai se ala tau faasalalauga faapitoa e ola i taimi uma.

A e lē fia maua se faataitaiga o se Faailo Telefoni Feaveai mo Faalavelave Faafuasei, ona tape lea o lau telefoni po o le faaola le flight mode.

Fai se kopi o pepa o faamatalaga o lo o faamalamalama ai le faiga o le Faailo Telefoni Feaveai mo Faalavelave Faafuasei.

Faailoilo Lapata'i mo Faalavelave Faafuase'i i Telefoni Feavea'i – Emergency Mobile Alert Factsheet in Gagana Samoa (Samoan) (.pdf 401kb)

pdf | 401 KB

Faaali Manatu Mai i Faailo Telefoni Feaveai mo Faalavelave Faafuasei

O le auala sili e tuuina mai ai manatu i le Faailo Telefoni Feaveai mo Faalavelave Faafuasei o le faatumu o faamatalaga o le suesuega o matou faia. E aogā faamatalaga o le a aoina mai le suesuega lenei matou te faaleleia ai le faiga lea.

Tuuina mai sou manatu i le Faailo Telefoni Feaveai mo Faalavelave Faafuasei

Person holding a phone with unreadabale text and button that says submit

Isi auala e maua ai pea faamatalaga

E lē o iai se fuafuaga e suia e Faailo Telefoni Feaveai mo Faalavelave Faafuasei isi faailo mo faalavelave faafuasei po o tulaga e moomia ai ona gaioi loa pe a vaaia lapataiga faalenatura.

E tatau ona e sauni mo se faalavelave faafuasei, ma e lē tatau ona e faatali mo se lapataiga ona e faatoa gaioi lea. Aua e te faatali mo se lapataiga aloaia, pe afai e te iloa ua lamatia lou soifua. Ia vave ona e gaioi.

Ia mautinoa o iai sau oe lava fuafuaga mo faalavelave faafuasei o aofia ai tulaga nei: