Maua pea faamatalaga lata mai
E tāua le iloa o auala eseese e te maua ai pea faamatalaga i le taimi o tupu ai se faalavelave faafuasei.
Tusia i le itulau lenei
Leitio
A motusia le eletise, e aogā se leitio e ola i le malosiaga o le la pe faaola i maauila (po o le leitio o lau taavale) e te maua ai lipoti lata mai. I le taimi o tupu ai se faalavelave faafuasei, faaola lau leitio i alaleo nei:
- Radio New Zealand (external link)
- The Hits (external link)
- NewstalkZB (external link)
- MoreFM (external link)
Saili se fautuaga mai le tou Civil Defence Emergency Management Group e te iloa ai le alaleo e tatau ona e faalogologo i ai i le taimi o tupu ai se faalavelave faafuasei.
Faailo Telefoni Feaveai mo Faalavelave Faafuasei
O Faailo Telefoni Feaveai mo Faalavelave Faafuasei o se auala e te maua ai faamatalaga o faamatalaina ai faalavelave faafuasei i le nofoaga o lo o e iai. Afai ua iai se tulaga e lamatia ai lou ola, soifua maloloina po o meatotino, e mafai ona lafo atu se Faailo Telefoni Feaveai mo Faalavelave Faafuasei i lau telefoni feaveai. E lē moomia ona e lesitala pe fai se kopi o le app i lau telefoni.
Malamalama atili i Faailo Telefoni Feaveai mo Faalavelave Faafuasei
Initaneti
Mo lipoti lata mai faalotoifale, siaki upegatafailagi ma fesootaiga televavave a lau pulega faalotoifale. Faapena foi i le upegatafailagi ma fesootaiga televavave a le tou Civil Defence Emergency Management Group.
E faasalalau lipoti lata mai i le upegatafailagi a le National Emergency Management(external link).
Saili i lipoti lata mai i faalavelave faafuasei ma mala ua saunia e le National Emergency Management Agency. Mo fautuaga i le sauniuni ai mo mala e mafai ona maua i le @NZGetReady Twitter.
Saili i faamatalaga aloaia mo faalavelave faafuasei ma fautuaga i auala e sauni lelei ai mo mala i totonu o Niu Sila. Saili ma faatalanoa auala e sauni ai mo se faalavelave faafuasei, gafatia ai se faalavelave o lo o tupu, ma toe faaleleia vave ai.
Saili nisi faamatalaga mai le tou Civil Defence Emergency Management (CDEM) Group.
Malamalama atili i le National Emergency Management Agency.
Faamasani i ou tuaoi
Taumafai e faamasani i ou tuaoi. I le tupu ai o se faalavelave faafuasei, o le a mafai ona fesoasoani le tasi i le isi a o faatino galuega a auaunaga mo le puipuiga lautele ma faalavelave faafuasei mo tagata e pito sili ona moomia le fesoasoani.
Faamasani i tagata tou te felāta'i ma faamasani i ou tuaoi a o lei tupu se faalavelave faafuasei.
Nofo sauni tagata tou te nonofo faatasi
O lau matafaioi le faamautinoa o iloa e lou aiga ma tagata e pele ia te oe gaioiga e fai.
