Faapau, Ufiufi ma Pipii
O le gaioiga sa'o e tatau ona fai pe a lūlū se mafuie o le Faapau, Ufiufi ma Pipii. Aoao le faiga o le Faapau, Ufiufi ma Pipii.
Tusia i le itulau lenei
Faiga o le Faapau, Ufiufi ma Pipii
O le faiga sili e Faapau, Ufiufi ma Pipii ai e fetaui lelei mo lou fuaitino.
FAAPAU i ou lima ma tuli po o le maualalō e fetaui ma oe. E taofi ai na e palasi ae gafatia pea na minoi pe a moomia. Lago i se puipui po o se meafale malosi pe a lē mafai na faapau i le fola.
UFIUFI lou ulu ma lou ua (po o lou tino atoa pe a mafai) i lalo o se laulau malosi po o se kesi (pe afai o lo o latalata ane). Faaaogā ou lima ma ogalima e ufiufi ai lou ulu ma lou ua, pe afai e lē o latalata ane se mea e te malupuipuia ai.
PIPII i le mea o lo o e malu ai (po o le puipui o lou ulu ma lou ua i le tulaga o lo o e iai) seia uma le mafuie. Minoi faatasi ma le mea o lo o e malu iai, pe a fesiitai solo le mea o lo o e malu ai e le mafuie.
Faiga eseese e Faapau, Ufiufi ma Pipii ai
A faigata na e gaioi po o le faaaoga se tootoo
A faigata na e gaioi po o le faaaoga se tootoo, Faapau, Ufiufi ma Pipii po o le Saofai, Ufiufi ma Pipii.
Faapau i le maualalō e gafatia po o le saofai i se nofoa, autafa o le moega po o se nofoa umi.
Ave ifo ou lima e ufiufi ai lou ulu ma le ua. Faapupuu tele i le faiga e te mafaia. Tai pei lava o le faiga e faapupuu ai i luga o le vaalele. Faalatalata atu lau tootoo e faigofie na e tau i ai pe a uma na lūlū se mafuie.
Onosai seia lē toe lūlū le mafuie.
A faaaoga se walker po o se wheelchair
Loka, Ufiufi ma Pipii, pe a faaaoga se walker po o se wheelchair.
Loka pa‘u ma faapupuu i le maualalō e te mafaia.
Ave ifo ou lima e ufiufi ai lou ulu ma le ua pe a mafai. Faapupuu tele i le faiga e te mafaia. Tai pei lava o le faiga e faapupuu ai i luga o le vaalele.
Onosai seia lē toe lūlū le mafuie.
Afai o e taoto i le moega
Afai o e taoto i le moega, nofo ai i le moega ma toso ie ma palanikeke e te afu ai ma faaaogā le aluga e puipuia ai lou ulu ma le ua.
E itiiti lava tulaga e te ono lavea ai pe a e nofo ai pea i le moega.
Afai o e i fafo
Afai o e i fafo, ia lelei lou mamao ese mai fale, laau, poumoli, ma uaea eletise, ona e Faapau, Ufiufi ma Pipii lea.
Afai o e i totonu o se lifi
Afai o e i totonu o se lifi, Faapau, Ufiufi ma Pipii.
A uma se lūlū, taumafai e te agai i le fogafale pito lata ane pe afai e saogalemu ona fai.
Afai o e avea le taavale
Afai o e avea le taavale, afe ma tu i se nofoaga e malu ai. Tu.
Faatali i le mea ua faatu ai le taavale ma faamau lau fusipau seia uma lelei le lūlū o le mafuie.
O le taimi lava ua uma ai le lūlū o se mafuie, faaauau le faigamalaga ma le faaeteete ma alofia auala laupapa po o patu auā e ono faaleagaina.
Faataitai le Faapau Ufiufi ma Pipiii
E taua na faataitai le faiga sa‘o e iloa ai le mea e fai pe a lūlū se mafuie.
O le toatele o tagata lavevea ma maliliu pe a lūlū se mafuie e mafua mai mea na toulu na i lo fale palalasi. E moomia na faataitai le faiga e fetaui ma oe e FAAPAU, UFIUFI, ma PIPII ai ma o le gaioiga muamua lava lena e fai pe a lūlū le laueleele.
O le faiga sili e Faapau, Ufiufi ma Pipii e fetaui lelei mo lou fuaitino ma ua e masani ai.
Faataitai na Faapau Ufiufi ma Pipii:
- O tausaga uma e fai ai le New Zealand ShakeOut
- Vaitaimi e toe siaki ai lau fuafuaga po o mea faaleoleo
- E manaia le vaitau e umi ai na ao.
Faamatalaga sese
E tele faamatalaga e maua i le initaneti i gaioiga e fai pe a lūlū se mafuie. Aua ne‘i e sese ai, o le tele o faamatalaga e sese.
E lagolagoina ma fautuaina e suesuega na faia i le Setete o Amerika, Taiwan, Iapani ma Niu Sila le Faapau, Ufiufi ma Pipii. O atunuu uma nei ua faia ai tulafono mo ituaiga fausaga faaonaponei mo fale e gafatia mafuie.
Punaoa
Fai se kopi ma lolomi le faaaliga tetele lea. Faapipii i lou fale, aoga, galuega po o se nofoaga faitele. Manatua e Faapa‘ū, Ufiufi ma Pipii pe a lulu se mafuie.
Malamalama pe aisea ua avea ai le Faapau, Ufiufi ma Pipii o se faiga sa'o e tatau ona fai pe a tupu se mafuie i faamatalaga faamaonia o tusia i le Gagana Peretania.
Malamalama i tulaga eseese e te iloa ai gaioiga e fai i le tupu ai o se mafuie. Matamata i videos i le Gagana Peretania i tulaga tau saogalemu o mafuie na saunia e le Southern California Earthquake Center.
O le gaioiga sa'o e tatau ona fai pe a lūlū se mafuie o le Faapau, Ufiufi ma Pipii. Matamata i le video i le Gagana Peretania e te malamalama atili ai i le Faapau, Ufiufi ma Pipii.
E mafai ona fai se kopi ma faasoa le pepa o faamatalaga faamaonia a o lei tupu, i le tupu ai ma le mae'a ai o se mafuie.
Ituaiga lamatiaga
I totonu o Niu Sila e tele lamatiaga faalenatura e tutupu ai. Saili i faamatalaga e te iloa ai gaioiga e fai a o lei tupu, i le taimi o tupu ai ma le uma ai ona tupu o ituaiga faalavelave faafuasei taitasi.
