Punaoa

I le taimi o tupu ai se faalavelave faafuasei e mafai ona faalavelavea ai soifuaga ua masani ai ma e ono moomia ona tuua e tagata o latou fale. O tulaga nei e sili ona faigata mo tina ma tagata o lo o tausia pepe.

E maua mai le Health New Zealand fautuaga i le fafagaina o pepe i le suasusu o le tina po o susu pauta i le tupu ai o se faalavelave faafuasei.

O le Marae Emergency Preparedness Plan e fesoasoani i marae ia sauni mo se faalavelave faafuasei. E uunaia aiga, hapū ma iwi e mafaufau lelei i aafiaga e ono tulai mai i mala faalenatura.

E ese lava auala e gafatia ai e tamaiti mea o mafatia ai ma e faalagolago i le matua o lona mafaufau. E maua mai le Matagaluega o Soifua Maloloina taiala e fesoasoani ai i tamaiti ia gafatia ona taulimaina mafatiaga.

Faaali sou manatu e uiga i le Faailo Telefoni Feaveai mo Faalavelave Faafuasei. E faaaogā faamatalaga ua aoina mai le suesuega lenei matou te faaleleia ai le faiga o lo o faia ai faailo.

Fai faatasi ma lou aiga se fuafuaga i luga o le initaneti e gafataulimaina ai se faalavelave faafuasei. Mafaufau i mea tou te moomia i aso uma ma faatulaga se isi fua pe afai e lē o iai mea o moomia.

Lesitala i se Neighbourhood Support Group i luga o le upegatafailagi a le Neighbourhood Support pe vili le 0800 463 444.

Saili i faatonuga mo le toe faafou o telefoni o le ituaiga Samsung i le upegatafailagi a le Samsung NZ.

Faamaopoopo se Neighbour's Day. E faamanatu le Neighbour's Day ia Mati o tausaga uma. E uunaia ai tuaoi e faamasani le tasi i le isi. E lē afaina po o oe o se tagata toatasi, o se vaega po o se faalapotopotoga. Pe na o nai fale, flats, pisinisi po o se isi faiga ese tou te tuaoi. E mafai ona maoti lava se faatasiga e te faamaopoopoa ma e patino i le tuaoi e te nofo ai.

Mulimulitai i le lisi o gaioiga e fai ua saunia e le Shut Happens o lo o tusia i le Gagana Peretania e saunia ai se fuafuaga mo faalavelave e ono tutupu mo lau pisinisi.

E saunia e le Ministry for Primary Industries (MPI) fautuaga mo le saunia o se fuafuaga mo au meaola. E aofia ai se lisi o ituaiga meaola eseese ma faalavelave faafuasei eseese. Tagai lelei i le lisi lea e saunia ai lau fuafuaga.

Fai se kopi o le East Coast LAB's tsunami hīkoi information sheet. Faamaopoopo se savaliga galulolo mo tagata lautele.

Fai se kopi o faaaliga tetele o le East Coast LAB's tsunami hīkoi. Faailoa lou auai ai ma faailoa atu i isi tagata.

Faaaogā le taiala lenei e te iloa ai mea e faaaofia i au fuafuaga mo faalavelave faafuasei mai le business.govt.nz.

E maua mai le Matagaluega o Aoga fautuaga mo aoga ma aoga amata e sauni atu ai ma gafataulimaina ai faalavelave faafuasei

O lau Civil Defence Emergency Management Group e maua ai faafanua o sone galulolo ma fautuaga. Ia mautinoa o e iloa le nofoaga e te agai i ai, po o fea lava o e iai po o le fale, galuega, po o fea lava.