Fuafua po o ā mea tou te moomia
A tupu se faalavelave faafuasei, e ono lē mafai ona e alu ese ma le fale mo le tolu aso pe sili atu. Vaai po o ā mea e te moomia ma fai sau fuafuaga e mafai ai ona e gafataulimaina le tulaga ua e maua ai.
Tusia i le itulau lenei
I le fale
Atonu o lena ua maua le tele o mea e te moomia. E lē tau faaputua mea uma i le nofoaga e tasi, ae e ono moomia le mafai ona maua pe a e faanatinati ma/po o le maua i le pogisa.
- Suavai mo aso e tolu pe sili atu — ia mautinoa o maua le iva lita o le suavai mo tagata taitoatasi uma. E lava lelei mo le inu ma le tumamā lelei ai.
- O meaai e umi na teu e lē moomia na faavela (se‘i vagana ogaumu i fafo po o se ogaumu fai barbecue e faaaogā ai le kesi) ma meaai mo pepe ma meaola.
- Pepa mo falelēta'ua ma paelo uga lapopoa mo se falelēta'ua mo faalavelave faafuasei.
- Fai totinilima ma ufi fofoga e ofi lelei o le ituaiga P2 po o le N95.
Mautinoa o lava meaai, mea o faaaoga po o fualaau mo le tolu aso i le fale, pe a patino meaai e fai ai se tausiga po o togafitiga o se ma‘i. O mea foi na e teu i se ato laveai. E ono lē lava meaai ma isi mea o moomia i nofoaga mo faalavelave faafuasei, pe a sulufai i nofoaga nei.
E mafai na faaletonu masini EFTPOS ma ATM pe a motusia le eletise, ma e lelei le faaleoleo se tinoitupe i le fale. E sili ai siliva ma tupe pepa laiti.
Aua ne'i galo e mafai ona tou galulue faatasi ma ou tuaoi e fesoasoani le tasi i le isi i le tau faasoasoa o mea o tou maua.
O lou vaaia lelei o oe lava faapea ma tagata o tou nonofo faatasi, o lena foi ua e fesoasoani i auaunaga mo faalavelave faafuasei e taulai a latou galuega mo tagata e sili ona moomia le fesoasoani.
-
A tupu se faalavelave faafuasei, e ono leai se suavai e te maua. E ono tapē le suavai, po o le faaleagaina o paipa e faaalu ai le suavai ma vai palapalā. E ono moomia lou faaaogā o falelēta‘ua mo faalavelave faafuasei.
Fai se falelēta‘ua mo faalavelave faafuasei, e faaaogā ai containers e lē mama ai le vai ma e mafai na taofia ai le tele o le vai e 15 – 20 lita. Mo se faataitaiga, o se kalone lapisi po o se paelo vali ua uma. E tatau na mau lelei augutu o le tapuni o le container.
Afai o se container laitiiti, teu se container lapoa e mau lelei augutu o le tapuni mo otaota.
- Ufiufi totonu o paelo i taga pepa iila (pe a mafai).
- Sasaa pe lūlū i ai sina vailaau faamamā masani (e pei o se vailaau e faapapa‘e ai lavalava) i totonu o container i taimi taitasi e faaaogā ai le falelēta‘ua. O le faiga lea e tuuitiitia ai le manogi leaga ma siama. Afai e leai sau vailaau faamamā, e mafai na e faaaogā palapala ma mea ua mamago.
- Toe faamau le tapuni pe a uma na faaaogā.
- A uma na faaaogā le falelēta‘ua, matuai fufulu mamā ou lima i se fasimoli ma le vai, po o se vailaau fufulu lima.
- A tumu le falelēta‘ua, tiai otaota i le faiga ua fautuaina e auaunaga lautele faasoifua maloloina.
E mafai ona afaina le suavai maua, e aofia ai suavai mo le taumafa, mai se faalavelave faafuasei. Faaputuputu suavai e faaaogā mo aso e tolu pe sili atu. Saili i faamatalaga i le faiga e faaputu ai le suavai.
Totonu o se ato e te alu ese ma ave
Ia sauni ato e ō ese tagata uma o lou aiga ma ave.
E tatau na teu i ato taitasi:
- Seevae savali, lavalava mafanafana, ofufaatimu ma se pulou
- Suavai ma meaai māmā (manatua foi pepe ma meaola)
- Vailaau fufulu lima
- Fafaga maa faaleoleo telefoni feaveai
- Tinoitupe (siliva ma tupe pepa laiti)
- Kopi o faamaumauga tāua ma ID o pipii ai se ata
Manatua fualaau e moomia ma teu i se mea e faigofie na tau i ai se first aid kit, moliuila, leitio ma maa, ma isi mea sili ona moomia pe a tatau na o ese loa.
Mautinoa o teu i lau ato laveai meaai, mea e faaaoga po o fualaau, aemaise ituaiga e patino i tausiga faapitoa po o se ma‘i. Po o se mea e faigofie na e tau i ai.
Totonu o lau taavale
Fuafua mamao mo se gaioiga e fai pe a tupu se faalavelave faafuasei o lena e te i totonu o lau taavale. O le osofaia i lologa, afā kiona po o se faalavelave tele tau taavale e faigata ai ona e alu ese ma lau taavale.
Teu mea sili ona moomia mo faalavelave faafuasei e faasaoina ai le soifua i totonu o lau taavale. Afai e te avea le taavale i tulaga loulouā o le vaitau mālūlū, faaopoopo i au mea o teu:
- se pulumu
- se suo
- filifili mo pa'u
- mea e salu ai faamalama tali savili, ma
- lavalava mafanafana.
Teu se pea seevae savali, se jacket e talitali ai le susū, fualaau sili ona moomia, meaai māmā, suavai, o se uaea fagamaa mo le telefoni ma se moliuila i lau taavale.
Faalogologo i lipoti lata mai o le tau ma feoaiga i luga o le auala pe a fuafua e te malaga.
Fuafua lau auala e te agai ese ai i faamatalaga tau feoaiga o tutupu i le taimi lava lea i le upegatafailagi a le Waka Kotahi.
I le falefaigaluega
Ia mautinoa o maua mea o moomia i le galuega e pei o seevae savali malō, o se jacket e talitali ai le susū, o se moliuila, meaai māmā ma le suavai. Fesootai ma ē tou te nonofo i le vaipanoa e tasi ma e mafai ona fuafua faatasi pe faapefea ona tou taunuu i le fale a o tupu se faalavelave faafuasei.
Saili i tulaga e mafai ai ona nofo sauni lau galuega
Nofo sauni tagata tou te nonofo faatasi
O lau matafaioi le faamautinoa o iloa e lou aiga ma tagata e pele ia te oe gaioiga e fai.
