Faasa‘oga

E tele mafuaaga e lē maua ai se Faailo Telefoni Laveai. E fautuaina tagata uma e faaaoga auala eseese e maua ai faamatalaga.

Siaki pe o mafai ona maua i lau telefoni le Faailo Telefoni Feaveai mo Faalavelave Faafuasei. Vaai pe o faasino atu le faiga i le faatulagana o lau telefoni. E tatau na tele atu telefoni feaveai na faatau ua mavae le 2017 e maua ai Faailo Telefoni Feaveai mo Faalavelave Faafuasei.

E moomia foi na fesootai lau telefoni i pou telefoni ma faafou polokalame.  E lē moomia na faamau le app i lau telefoni po o le lesitala mo le auaunaga lea.

O isi mafuaage e lē maua ai se lapataiga i le telefoni feaveai:

• tapē
• ola le flight mode
• mamao ma malosiaga tau telefoni,
• e lē o fesootai i se pou telefoni.

Afai na sui lau telefoni mai le fesootaiga o le ituaiga 3G i le 4G i le taimi lava o faia ai faasalalauga, o lona uiga e te maua se faailo mai fesootaiga uma e lua. O le mea lava lea e tupu pe afai e te faaola ma tapē le flight mode. Po o le tapē o le telefoni ma toe faaola i le taimi lava o faia ai faasalalauga.

E iai telefoni e maua ai le faiga e mafai ai ona maua atu se faamanatu o se faailo. O se faiga e maua faalausosoo ai se faailo i le taimi lava o faia ai se faasalalauga. A maua i lau telefoni se faiga e tatagi ai se faamanatu, tagai lea i le faatulagana o lau telefoni. E eseese le faaigoaina o faatulagana nei e pei o le Wireless Alerts, Broadcast Alerts, po o Emergency Alerts.

A e maua se Faailo Telefoni Feaveai mo Faalavelave Faafuasei, e ono mafai pea ona toe maua i lau telefoni.

Telefoni ituaiga Android

E eseese ituaiga telefoni Android. E masani na maua faailo mo faalavelave faafuasei i lau 'Messages' app.

Mo se faataitaiga, le 'Google Messages' app:

1. Tatala le Messages app.
2. Kiliki lau profile i le taumatau pito i luga.
3. Filifili le 'Messages Settings'.
4. Filifili le 'Advanced'.
5. Filifili le 'Wireless emergency alerts'.

Mo telefoni o le Apple

Mo i latou e faaaogā iPhone, e maua le faailo i au notifications. Tatala au notifications pe a e tago e salu mai luga faasolo i lalo le telefoni. Afai na e tapē esea au notifications, o lona uiga ua e tapē esea le faailo.

E faaaogā i Faailo Telefoni Feaveai mo Faalavelave Faafuasei se faatulagana faavaomalo. O le faiga e masani ona matou faaaogā i ala tau faasalalauga e ta'ua o le Presidential Alert i atunuu mamao.

Sa matou galulue faatasi ma kamupani gaosi telefoni ma kamupani telefoni feaveai e faaaogā le faaupuga Emergency Alert na i lo se isi faaupuga. E iai telefoni e faaaoga ai lava le tulaga o faia i Amerika ma faaali ai le Presidential Alert. O se tulaga masani pe a faapea:

• na faatau mai lau telefoni a o le i aulia le 2017,
• na faatau mai lau telefoni mai atunuu mamao, po o
• fefaatauaiga faamaketi.

E faalagolago le maua o Faailo Telefoni Feaveai mo Faalavelave Faafuasei i le ituaiga ma le fausaga o lau telefoni feaveai. A faapea e fai au mea faalogo, ona mafai lea ona faatulaga le maua o le faailo i lau mea faalogo.

E faaaogā i Faailo Telefoni Feaveai mo Faalavelave Faafuasei se leo e fua i faatulagana faavaomalo. E ui i tulaga e oso ai le popole po o le faalavelave atu i au mea o fai,, e patino lava le tatagi o le faailo e te mautinoa ai se mea ua tupu.

Oomi le ki e faatatagi ai le telefoni e tapē ai le leo o Faailo Telefoni Feaveai pei lava o isi faailo e maua i lau telefoni.  E lē lagona se tatagi o se Faailo Telefoni Feaveai, pe a faagūgū le leo.  E maua atu le faasilasilaga atoa e faitau ai.

E faalagolago le tatagi o lau telefoni feaveai mo se faailo na lafo atu, i le ituaiga ma le fausaga o lau telefoni. E iai kamupani gaosi telefoni e lē mafai na sao ai se faailo mo faalavelave faafuasei.

Afai o ave lau taavale, e tatau ona faatu le taavale ma siaki le feau na lafo atu pe a o saogalemu ona e faia lea tulaga. Afai o iai sau pasese, fai i ai e faitau atu loa se faailo na lafo atu. Aua e te taumafai e faitau le faailo ma ave le taavale.

E tatau ona mafai ona maua Faailo Telefoni Feaveai mo Faalavelave Faafuasei i nofoaga o maua ai pou faasalalau. Pe ā ma le 97% o nofoaga o lo o nofoia e tagata e maua ai pou faasalalau. E taumafai auaunaga mo telefoni feaveai e faaleleia le maua o fesootaiga i telefoni feaveai i taimi uma.

E faaaogā pou telefoni e faagaioia ai Faailo Telefoni Feaveai mo Faalavelave Faafuasei ma e le faaaogā ai le Wi-fi calling.

E faaaogā e Faailo Telefoni Feaveai mo Faalavelave Faafuasei fesootaiga tau telefoni feaveai i Niu Sila. Na o telefoni feaveai e mafai ona maua ai faailo e mafai ona maua faasalalauga.

Faatoa e maua se Faailo Telefoni Feaveai mo Faalavelave Faafuasei pe afai o maua se malosiaga tau telefoni feaveai.  I le taimi nei na o fesootaiga tau initaneti e mafai ona saunia e le Starlink, e lē faaaogā ai fesootaiga mo telefoni feaveai. O la matou iloa i le tulaga lea o lo o taumafai le Starlink e faaaogā se satelite e fesootai atu ai i telefoni feaveai. E iai le isi satelite (Lynk World) o lo o saunia le auaunaga lea.

E maua fua Faailo Telefoni Feaveai mo Faalavelave Faafuasei. E leai se tupe e faaalu ai. E te lē moomia le fai o se kopi o le app i lau telefoni po o le lesitala mo le auaunaga lea.