Faataitaiga i le atunuu atoa o Faailo Telefoni Feaveai mo Faalavelave Faafuasei
O faataitaiga i le atunuu atoa o Faailo Telefoni Feaveai mo Faalavelave Faafuasei o se faiga e moomia ona fai ina ia mautinoa ai o aogā le faiga o lo o faaaogā. Saili i iuga ma faamatalaga e uiga i faataitaiga i le atunuu atoa.
Tusia i le itulau lenei
Aisea e faia ai faataitaiga o Faailo Telefoni Feaveai mo Faalavelave Faafuasei
E moomia le faia o faataitaiga e mautinoa lelei ai o lo o aogā le faiga o faia ai Faailo Telefoni Feaveai mo Faalavelave Faafuasei.
O faataitaiga i le atunuu atoa e lafo i pou faasalalau uma i Niu Sila atoa. E iai lo matou talitonuga o le tele o telefoni o le a mafai ona maua ai le faailo.
O le ono tausaga talu ai, na matou maua ai le faitau afe o manatu na faaalia e tagata. Na aogā manatu nei e faaleleia ai le faiga o lo o faaaogā ai le Faailo Telefoni Feaveai mo Faalavelave Faafuasei.
O le taimi pito lata mai na faia ai faataitaiga i le atunuu atoa, o le afiafi o le aso 26 Me 2024. O le pepesi o le COVID-19 i le lalolagi atoa, na taofia ai faataitaiga i le atunuu atoa na fuafuaina i le 2020 ma le 2021 e faataitai ai le Faailo Telefoni Feaveai mo Faalavelave Faafuasei.
Lesitala e maua ai imeli i faataitaiga i le atunuu atoa o sauni atu i ai mo le Faailo Telefoni Feaveai mo Faalavelave Faafuasei. O le a e maua se imeli e faailoa atu ai le aso ua atofaina mo faataitaiga.
Iuga o suesuega tutoatasi o faataitaiga na faia i le atunuu
O le mae‘a ai o le faataitaiga i le atunuu atoa na faia i le 2018 ma le 2019, na faatonuina ai e le Ministry of Civil Defence & Emergency Management le faia o se suesuega tutoatasi.
O vaega nei na suesueina:
- o le toatele mai le faitau aofai o tagata i le atunuu na maua le faailo faataitai,
- muai iloa, ma
- talitonuga lautele.
Na mavae atu faataitaiga i le 2021 ma le 2022, na saunia ai e le NEMA fesili i le suesuega Annual Disaster Preparedness e iloa ai le aogā o faataitaiga o le Faailo Telefoni Feaveai mo Faalavelave Faafuasei.
Talu mai le suesuega na faia i le 2018, ua atili lelei ai lava ma faiga autu i tausaga taitasi.
Na faamauina i le suesuega i le 2022 le:
- Pasene pito maualuga o tagata na maua faailo (83%).
- O le 12% e lei maua le faataitaiga, e 27% na latalata i se tasi na maua le faataitaiga.
Na faailoa mai i le 2021 Annual Disaster Preparedness Survey le toaiva mai le toasefulu o tagata na maua se faailo po o le faatasi ma se isi na maua se faailo.
Na faailoa mai i le suesuega na faia i le 2019:
- E 75% na iloa le faiga o Faailo Telefoni Feaveai mo Faalavelave Faafuasei a o le i faia le faataitaiga.
- E 80% e talitonu i le aogā o le Faailo Telefoni Feaveai mo Faalavelave Faafuasei e lapatai ai Tagatanuu i se faalavelave faafuasei.
- E 82% e talitonu e lē tatau ona tuu atu i tagata le faitalia e taofi ai le maua o lapataiga.
Silasila i iuga o suesuega mai faataitaiga na faia i le atunuu atoa i le 2018 ma le 2019 o Faailo Telefoni Feaveai mo Faalavelave Faafuasei i le Gagana Peretania.
Faailo Telefoni Feaveai mo Faalavelave Faafuasei
Saili i faamatalaga o Faailo Telefoni Feaveai mo Faalavelave Faafuasei. E aogā Faailo Telefoni Feaveai mo Faalavelave Faafuasei e tausisia ai le saogalemu o tagata. E patino lava pou telefoni e faasalalau ai faailo i telefoni uma e mafai ona maua ai.
