Fai se fuafuaga

E tutupu faalavelave faafuasei i soo se taimi, ma soo se nofoaga, ma e masani ona tupu e aunoa ma se lapataiga. E tāua le faia o fuafuaga mo faalavelave faafuasei e te iloa ai gaioiga e tatau ona fai pe a tupu se faalavelave faafuasei.

Fai se fuafuaga mo faalavelave faafuasei mo tagata o nonofo faatasi

E aogā le fuafuaga mo faalavelave faafuasei e iloa ai e tagata uma o nonofo faatasi lana gaioiga e fai i le tupu ai o se faalavelave faafuasei ma auala e nofo sauni ai. E aogā le fuafuaga e tuuitiitia ai le vevesi i le taimi ua tupu ai se faalavelave faafuasei.

Fuafua lau fuafuaga mo faalavelave faafuasei i:

• lou malosi, mea o moomia ma tulaga patino
• isi faiga ua e tapena i ai, ma
• isi mea e le o aofia i lau fuafuaga e vave ai na e lamatia i taimi o faalavelave faafuasei (ma se faatatau i ai).

Fai faatasi ma lou aiga se fuafuaga e gafataulimaina ai se faalavelave faafuasei. Mafaufau i mea tou te moomia i aso uma ma faatulaga se isi fua pe afai e lē o iai mea o moomia.

Faatusatusa lau fuafuaga ma isi fuafuaga mo faalavelave faafuasei mo nofoaga e masani ona e asiasi i ai.

A o lei faia se fuafuaga

Ia mautinoa ua e faaaofia manaoga uma o tagata o tou nonofo faatasi, e aofia ai:

• Tagata e iai manaoga faapitoa
• Pepe ma tamaiti laiti
• Meaola

Fai se fuafuaga mo faalavelave faafuasei mo le galuega

I le tupu ai o se faalavelave faafuasei, e ono lē mafai ona e tuua le galuega, e aunoa ma sau auala e te toe foi ai i le fale. Fai sau fuafuaga mo faalavelave faafuasei e patino ia te oe e te iloa ai le tagata e faafesootai i le galuega ma fai sau fuafuaga pe faapefea ona saogalemu lou foi ai i le fale.

Fai se fuafuaga mo faalavelave faafuasei mo le aoga

Vaai po o le ā le fuafuaga mo faalavelave faafuasei ua saunia e le aoga amata po o le aoga.

• Saili po o fea le nofoaga saogalemu ua fuafuaina e aoga e piki mai ai lau fanau i le mae'a ai ona tuuina atu o se “faatagana.” 
• Fuafua e te savali pe vili lau uila, pe a mafai e piki mai ai lau fanau. E ono poloka auala e agai atu ma agai ese mai le aoga. E ono pisi laina telefoni i le taimi o se faalavelave faafuasei.
• Ia mautinoa o sa'o numera e faafesootai ai le aoga amata po o le aoga. Faailoa i ai se lisi o se toatolu e mafai ona pikia lau fanau pe afai ua lē mafai ona e saofia atu.

Fai se fuafuaga mo faalavelave faafuasei mo le marae

Fai se fuafuaga mo faalavelave faafuasei mo le marae e mafai ai ona tapena le marae mo se faalavelave faalenatura po o se faalavelave faafuasei.