Laasaga e nofo sauni ai

Afai e iai sou manaoga faapitoa po o ni tulaga o moomia e ono lamatia tele ai oe i taimi o se faalavelave faafuasei, mulimulitai i laasaga nei e te nofo sauni ai.

Tusia i le itulau lenei

Talanoa i tulaga e ono aafia ai oe i se faalavelave faafuasei

I le tupu ai o se faalavelave faafuasei, e faagaioia e auaunaga o puipuiga lautele ma faalavelave faafuasei i le taimi lava lea galuega mo tagata e pito sili ona moomia le fesoasoani. O lau tiute lou nofo sauni. O lona uiga e te ono moomia mea e pei o mea e faaaogā e tausi ai le soifua maloloina po o mea e maua ai le eletise mo aso e tolu pe sili atu.

E faapefea ona e aafia i faalavelave faafuasei? Ae faapefea pe afai ua tapunia auala ma faleoloa? Ae faapefea pe afai ua pe le eletise, suavai, telefoni po o le initaneti? Ae faapefea pe afai e moomia ona e vave alu ese mai lou fale?

Talanoa ma tagata o tou nonofo faatasi faapea foi ma tagata o tou fesootai i fesoasoani nei:

ituaiga mea tou te ono moomia
o le lagolagosua tou te moomia, ma le
nofoaga o le a tou agai i ai pe afai ua lē mafai ona nonofo i le fale.

Mafaufau i lau gaioiga e fai pe afai:

ua feseetai mea pe ua taei foi, po o le paepae o le otaota
ua fesiitai faailoga tāua i se laueleele pe ua faaleagaina
ua lavea le meaola o fesoasoani ia te oe pe ua fefe tele e gaioi.

Fai se fuafuaga

Fai se fuafuaga e gafataulimaina ai se faalavelave faafuasei. E tatau ona e filifili lelei mea e te mafaia ona fai e oe lava ma le fesoasoani e te ono moomia a o lei tupu, i le tupu ai ma le uma ai o se faalavelave faafuasei.

Fai se lisi o mea patino ia te oe e te moomia ma punaoa e maua atu ai i le tupu ai o se faalavelave faafuasei. E mafai e se faalavelave faafuasei ona suia lou gafatia ona e taulimaina o le tulaga o feagai ai ma oe. E tāua lou fuafua mo tulaga pito maualalo ua e lē mafai ai ona fai o se mea.

Ia mautinoa o lo o e masani i lau fuafuaga mo lau galuega, aoga po o se isi nofoaga e tele ina faaalu ai lou taimi. Afai o iai se fuafuaga o lau galuega po o le aoga ae e lē o aofia ai ni faatulagana mo tagata e iai manaoga faapitoa, ia mautinoa o iloa e le pulega ou manaoga.

Atiae se vaega tumaoti e maua atu ai le lagolagosua

Atiae se vaega e maua atu ai le lagolagosua mai tagata e mafai ona fesoasoani ia te oe i le tupu ai o se faalavelave faafuasei, a o lei moomia. I le tupu ai o se faalavelave faafuasei, e ono moomia lou talosaga mo se fesoasoani mo le fia faia o mea e masani lava ona faia e oe lava.

O tagata muamua lava e maua atu ai le fesoasoani i le tupu ai o se faalavelave faafuasei o ou tuaoi, uo, tagata o faia tausiga ma paaga i le galuega. O tagata e masani ona tou iai faatasi i le nofoaga lava e tasi.

Taumafai e faamasani i ou tuaoi. Faasoa faamatalaga tau fesootaiga ina ia mafai ona e faafesootai nisi pe a tupu se faalavelave faafuasei. Faailoa i ai lau fuafuaga mo faalavelave faafuasei ma fesili i ai po o le ā sa latou fuafuaga ua fai.

Aua e te faalagolago i se tagata e toatasi. E ono lē mafai ona e faafesootaia le tagata lea po o le lē avanoa pe a e moomia.

E mafai ona maua le fesoasoani mai lau vaega o maua atu ai le lagolagosua mo se faalavelave faafuasei. Mo se faataitaiga, e mafai ona latou fesoasoani e siaki lou fale po o le falefaigaluega ia mautinoa o saogalemu ma talafeagai.

Atiae se vaega e felagolagomai i nofoaga taitasi e tele ai se taimi o le aso o e iai. Talanoa i lau vaega e maua atu ai le lagolagosua i lau fuafuaga mo faalavelave faafuasei. O se auala lelei lea e iloa ai e lau vaega o maua atu ai le lagolagosua le auala pito lelei e fesoasoani atu ai ma faailoa nisi auala e fai i ai lau fua.

Faataitai lau fuafuaga ma lau vaega e maua atu ai le lagolagosua. Ia aofia ai auala e Faapau, Ufiufi ma Pipii i le tupu ai o se mafuie ma auala o le a tuua ai se nofoaga pe afai o e iai i se sone galulolo po o sone lologa.

Ia malilie uma i le auala e faafesootai ai le tasi i le isi i le taimi e tupu ai se faalavelave faafuasei. E faapefea ona tou fesootai pe afai ua motusia laina initaneti ma le telefoni?

Fai i lau vaega e fesootai vave atu pe afai ua fautuaina oe e te tuua le nofoaga o e iai.

Ia mautinoa o maua soo se mea e te ono moomia

I le tupu ai o se faalavelave faafuasei, e ono faitau aso o tapunia auala ma faleoloa. Ia mautinoa o maua mea o moomia mo le umi pe ā ma le tolu aso. Ia aofia ai soo se fualaau po o meafaigaluega faapitoa e te ono moomia.

Afai e te moomia le tuu i le pusa'aisa o au mea e faaaogā mo lou soifua maloloina, ia mautinoa o iai se isi auala e maua ai le eletise pe faamālūlū ai mea tuu'aisa.
Fai se pine lapatai faasoifua maloloina po o se taulima e iloa ai ou manaoga faapitoa po o se ma'i o e maua ai.
Faatulaga mea e te moomia. Ia lava mea e te moomia o teu i le ato e te alu ese ma ave ina ne'i moomia ona e vave alu ese.
Afai o e malaga, faailoa i le taitai o le faletalimalo po o le faletalimalo laiti ou manaoga i ne'i tupu se faalavelave faafuasei.
Ia e iloa le nofoaga e maua atu ai se fesoasoani pe afai e faalagolago le maua o lou soifua i masini po o togafitiga e ono lē ola i le tupu ai o se faalavelave faafuasei.
Afai e faapitoa meaai e te tausami ai po o meaai e ilitata ai le tino, ia mautinoa o lava meaai mo aso e tolu. E tatau foi ona aofia ai meaai māmā i totonu o lau ato e te alu ese ma ave ma ia mautinoa o lava meaai e umi le aogā ma e talafeagai o teu i le nofoaga tou te fetaui ai.
Afai e te ma'i sela pe iai se faaletonu i le mānava, ia mautinoa o teu i lau ato e te alu ese ma ave ufi fofoga tali pefu (ituaiga faamauina o le P2 po o le N95). O faalavelave faafuasei e pei o mauga mu ma mafuie o faalavelave nei e ono faafaigata tele ai ona mānava.