Tatau ona ō ese
A tupu se faalavelave faafuasei, e ono lē saogalemu nisi o fale, auala ma tuaoi i le nofo ma e ono moomia ona e tuua faanatinati lou fale.
Afai ua ō ese tagata o le tou itu auala, o fea e te agai i ai? O ā mea e te avea? Ae faapefea fagafao? Faamata o iai nisi o lou tuaoi o moomia lau fesoasoani?
Fautuaga sili
Teu se ato e te alu ese ma ave
Ia sauni ato ua uma ona teu mo tagata uma o tou nonofo faatasi e ō ese ma ave. E tatau ona teu ai lavalava mafanafana, se fagu vai, meaai māmā, kopi o faamaumauga tāua, ma se ID o pipii ai lou ata. Manatua soo se fualaau e te ono moomia. Teu lau first aid kit, moliuila, leitio ma maauila i se mea e faigofie ona maua pe a moomia vave ona e alu ese.
Fuafua po o ā mea tou te moomia
Taupule po o fea le nofoaga tou te agai i ai
Taupule le nofoaga tonu e agai i ai (ma ia mautinoa o iloa e tagata uma o tou nonofo faatasi, ina ne'i eseese nofoaga o tou iai). E ono tutusa lava le nofoaga tou te agai i ai faapena ma au uo ma aiga, o le mea lena e lelei ai ona faamautinoa o iloa e i latou nei au fuafuaga.
Siaki lau sone
Afai e te nofo i totonu o se sone galulolo e tatau ona agai ese mai ai, ia mautinoa e i fafo atu ma le sone galulolo le nofoaga e te sulufai i ai.
Aua ne'i galo au fagafao
Afai e moomia ona e tuua le fale, ave au fagafao. Afai e lē saogalemu mo oe, faapena foi ona lē saogalemu mo au fagafao. Ia mautinoa e faataga au fagafao i le nofoaga o e sulufai i ai. Pe maua ai faamaumauga e faafesootai ai nofoaga e tuu ai meaola ma faletalimalo laiti e faataga ai fagafao.
Talanoa i aafiaga
O le malamalama i aafiaga o se faalavelave faafuasei e mafai ai ona e gafataulimaina tulaga e oo i ai. Fai se tou tala ma tagata o tou nonofo faatasi ma taupule gaioiga e fai pe a tulai mai tulaga nei.
