Lē mafai ona tuua le fale
O le tele o faalavelave faafuasei, e sili atu lava lou fale e te nofo ai pe afai o saogalemu. O lona uiga e ono savalia le tolu aso pe sili atu o leai se eletise ma se suavai.
O lava tou meaai ma le suavai? Ae faapefea nisi o le aiga o moomia fualaau? O lava foi meaai ma vai mo fagafao?
Fautuaga sili
Faaola le sulu
E lē tau fafao i se ato au mea e moomia pe a tupu se faalavelave faafuasei, ae ono tau sue le mea o teu ai i le pogisa. Ia mautinoa o iloa e tagata uma le mea o iai moliuila ma maauila.
Fuafua po o ā mea tou te moomia
Faaaogā muamua mea tuu'aisa
A motusia le eletise, faaaogā muamua meaai i le pusa'aisa, faatoa faasolo ai lea i meaai o faamalō i le pusa'aisa. Ona faasolo lea i meaai o teu i le kapoti po o teu i lau ato mo faalavelave faafuasei.
Faamasani i ou tuaoi
Taumafai e faamasani i ou tuaoi. I le taimi o se faalavelave faafuasei e ono moomia e ou tuaoi lau fesoasoani po o lou moomia o se latou fesoasoani, ma e ono mafai ona tou galulue faatasi.
Maua pea faamatalaga lata mai
Faalogologo pea i faamatalaga tau faalavelave faafuasei lata mai i se leitio e ola i maauila po o le malosiaga mai le la. Siaki faamatalaga mai la outou pulega faalotoifale ma/po o upegatafailagi ma fesootaiga televavave a le Civil Defence Emergency Management Group. Mulimulitai i faatonuga ua tuuina atu e auaunaga mo puipuiga lautele ma faalavelave faafuasei.
Saili nisi faamatalaga mai le tou Civil Defence Emergency Management (CDEM) Group.
Talanoa i aafiaga
O le malamalama i aafiaga o se faalavelave faafuasei e mafai ai ona e gafataulimaina tulaga e oo i ai. Fai se tou tala ma tagata o tou nonofo faatasi ma taupule gaioiga e fai pe a tulai mai tulaga nei.
