Pē le suavai
Mafaufau i le leai o se suavai mo le tolu aso pe sili atu. E faapefea ona fufulu, kuka ma faamamā se mea? O ā mea o le a e inua?
E mafai ona aafia le suavai maua i se faalavelave faafuasei. Faaputuputu suavai e faaaogā mo aso e tolu pe sili atu.
Fautuaga sili
Faatumu fagu i le suavai
Teu fagu vai ma fagu vai suamalie ua uma, vai mamā lelei ma faatumu i le vai. E moomia e le tagata e toatasi le tolu lita o le suavai mo aso taitasi ua pe ai le suavai. Aua le faaaogāina fagu susu. E faigata ona fufulu ma e te ono ma'i ai. Aua ne'i galo le faaputu o le suavai mo pepe ma fagafao.
Faaputu le suavai mo se taimi umi
O le umi e mafai ona e faaputua ai le suavai e inu o le tausaga pe afai e te liligia i ai se vailaau faamamā e lē o tuu i ai se faamanogi. Liligi le 'afa sipuniti mo le ta'i sefulu lita suavai ma aua le inua mo le isi 'afa itula talu ona faafilogia faatasi. Faailoga fagu taitasi i le aso na faatumu ai. Teu fagu i se nofoaga mālū ma pogisa.
Toaga e 'ai ma faamamā lelei
Manatua e faaputu le suavai mo meaai ma le fufulu ai o mea. E mafai ona e faaaogā le vai i totonu o le fagu vai vela e maua ai le vai vevela o le fale, ae lelei foi le faaputu o le suavai i fagu uga lapopoa.
Faamalō i le pusa'aisa
E mafai foi ona e faatumu container aisakulimi i le vai ma faamalō i le pusa'aisa. E aogā e faamalūlū ai meaai pe a pē le eletise ma e aogā foi i le inu.
Talanoa i aafiaga
O le malamalama i aafiaga o se faalavelave faafuasei e mafai ai ona e gafataulimaina tulaga e oo i ai. Fai se tou tala ma tagata o tou nonofo faatasi ma taupule gaioiga e fai pe a tulai mai tulaga nei.
