Pē le eletise

O le ā sau gaioiga e fai pe a faitau aso o motusia le eletise? E faapefea ona e iloa atu se mea, kuka, ma maua le mafanafana?

O le pē o le eletise e aafia ai masini EFTPOS ma ATM, ia mautinoa o lava se tinoitupe o teu i le fale, po o lava mea o moomia mo le isi tolu aso pe sili atu.

Faaola le sulu

E lē tau fafao i se ato au mea e moomia pe a tupu se faalavelave faafuasei, ae ono tau sue le mea o teu ai i le pogisa. Ia mautinoa o iloa e tagata uma le mea o iai moliuila ma maauila.

Fuafua po o ā mea tou te moomia

Faalogologo pea mo talafou

Tautuana se leitio e ola i le malosiaga o le la pe faaola i maauila e te maua ai lipoti lata mai ma lapataiga. Ia e iloa le alaleo e maua atu ai faamatalaga a o tupu se faalavelave faafuasei.

Saili i auala e maua ai pea faamatalaga lata mai 

Faaputuputu

Faaputu meaai e lē moomia ona faavela (e lelei meaai tuu apa) po o se mea e kuka ai meaai (ogaumu fai barbecue e faaaogā ai le kesi po o se ogaumu i fafo). Aua ne'i galo meaai mo pepe ma fagafao.

Faaaogā muamua mea tuu'aisa

A motusia le eletise, faaaogā muamua meaai i le pusa'aisa, faatoa faasolo ai lea i meaai o faamalō i le pusa'aisa. Ona faasolo lea i meaai o teu i le kapoti po o teu i lau ato mo faalavelave faafuasei.

Tapenapena mo togafitiga moomia

Faafesootai le tou kamupani eletise e lesitala tulaga tau togafitiga o moomia, pe a moomia le eletise mo togafitiga o se ma‘i. E lē mautinoa le maua o le eletise i taimi o tupu ai se faalavelave faafuasei. E mafai na fesoasoani atu le kamupani eletise i le faiga o lau fuafuaga e te iloa ai le gaioiga e fai pe a motusia le eletise.

Talanoa i le kamupani na avatu ai masini o fai ai togatifiga i auala e mafai na fesoasoani atu ai i taimi o faalavelave faafuasei.

Talanoa i ou tuaoi

Talanoa i ou tuaoi po o le ā sa latou gaioiga e fai pe a pē le eletise. E te ono iloa ai nisi e iai se latou ogaumu fai barbecue e faaaogā ai le kesi ma ua lava ma totoe au meaai ma le vai e faasoa (po o i latou foi).